رحـلـه قـاسيه فـي محـلات الملابس

بسم اللـه الـرحمن الـرحيم

قصـه مُرـعبَه وقآسيـه جداً

حـدثت تلـك القصـه من يـومين مـعي .. ولنبدأ بالـحكايه

.. شآ‘ب عآدِي زَي أي شآب بفكـرٍِ اجيـبْ هُدمتـين للعيـد .. وشُويـة شربآت وبُوكسرات .. عقـبال عنـدكُوا

رُوٍِحـت لوُالدتي بقُولـها اناآ نآ‘زل وكـِدَه .. فُوجئت بسؤال غـريب ..

أمـِي :- أنـتَ ليـه بطـلت تُخـرج مـعايا عشـان أجيبلـك لبـس ؟؟

انـا :- طبـعاً انكسـفت اقُولـها عشآن انا دلوقتي كبيـر مبقتـش الطفـل الاهـبل بتآع زمآن وطبعاً عشان مش تشوفني وانا بعاكس شُويه الحريم اللي في الشـارع المُهم .. قلتلـها . يآ أمِي انا مُش عآيز اتعبـك ربنآ يديكي طُوله العـمر

أمـِي :- طبعـاً انا فكـرتهآ هتـرفض وكـِده .. فُوجئـت انهآ قالتلي .. يآ ابني مفيش تعب ولا حاجه . يلا بينا نخرج .. وامِي ربنا يديها الصحه قامت لبست .. وانا قُومت لبست وانا مضروب بالجزمه ونفسي رجلي تتكسر او تحصل اي حاجه قبل ما اشوف نفسي وانا 21 سنه وامي خآرجه بتجيبلي لبس العيد

نـزلت من البيـت لقيـت جمآعه اصحابي من اللـِي دمـُهم تقيـل جداً علي قلبـِي واحد اسمُو وآئل والتآني اسمُو . علي

وآئـل :- ايـه يا عمـُوٍِرٍِه .. متنسآش تقـُول لمآمآ تجيبلـك الجـزمـه اللي بتنـُوٍِر .. ها ها ها ها

انا في سـري :- " ايـه يآبن الظريفه اللطافه دي .. وربنا لمآ اشُوفك هعلقك بدل خروف العيـد يابن الــــ "

عـلي :- الحـق يتقـال عـلي مـكنش رخـم المـره دِي .. عـلي كآن سئيل وبآرد .. لقيته بيقُولي .. عمـُوٍِرٍِه .. امسك في ايـد مآمآ كُويس وحآسب العربيـات .. ها ها ها ها

أنـا :- . ربنآ يكرمـك يآ علي يارب .. ( ربنا ياخدك يا رزل يا بآرد يا تلـم )

امـِي :- اصحابك بآين انـهم بيحبـُوٍِك أوي ودمـهم خفـيف

أنـا في سـري :- .. نــعم ؟؟؟؟ !!!!!!! ... دمـــهم ايــــه ؟؟؟؟؟؟ .. خفيــــــــف ؟؟؟؟؟؟؟؟

وبعـدين ايـه الجمـله دي ؟ .. ده اللي ربنـا قـدرك تعمليــه بـدل ما تطلـعي وتسيبيني اجيب هدُومي لوحـدي بـدل ما اكــُون مسـخره قـدام النـاس .. لـن انسـي لكـِ هذا الموقف يا امـِي

مشيـــــــــــنا شـــــــــــويه ... لغيــت مآ وصلـنا لمـحل الملابــس ..

وسُبحان الله . اول ما شفت صاحب المحل حسيت اني مخنوق مني وعايز اضربه بالجـزمه مش عارف ليـه

وتقريباً كـده هـُوٍِ كآن بيبادلني نفـس الشعـُور


هـو كآن قآعـد عالمكتـب بيـشرب شُويـة قهـوه .. وانا عايز اعمـل اي حآجه استفز بيها الراجل ده .. مُش طايقه بـجد ..


بصــُوٍِت عآلـي .. جداً قعـدت الـف وادُور حـُولين الرآجـل .. وقلــت لأمي

أنـا :- تعـرفـِي يآ امـِي القـهوه خـطر جـداً علي الأطفـال .. خصوصاً انـهُم عنـدهم مدارس . ولآزم ينامُوا بدري

صاحب المحـل :- بصـلي بصـه غريبـه جداً . حسيت انـِي وآقف قـدام الاندرتيـكر .. وقآل لأمي .

أبنـك ما شاء الله يملـك معلُومآت جبآره .. ولكـن لآزم تعتني بيـه . لأن الاطفال في السن ده خطـر يتسابُوا لوحـدهم


انا في سـري :- نــعم ؟؟؟؟!! بتقــول ايــه .. سمعهاني تآني يابن الـــ .. لُولا ان امي مُوجوده كُنت مسكتـك طلـعت ـــــ يابن الـــ . يا ــــ وربنا انت عيــل ــــ يا تلم يابن الـــ

وفضلت نـُص سآعه اشتـم ف سـري لغيـت ما ارتـحت نفسياً


أمـي :- مفـيش تشيريتآت حلـُوٍِهٍِ ؟؟

صاحب المحـل .:- طبعاً فِي يا حـجه . وضحـك ضحـكه خفيفه .. في اللحظـه دي أتأكـدت انُو هيعمـل مُصيبـه
ـــــ
مفـيش دقيقتين ولقيت الأخ دَه .. جآيب فآنله معفـنه .. حآجه كِدَه من بتوع الزبالين . حآجه من وش القفص فعلاً .. وبيقُول لوالدتي دي هتناسبه جداً
ـــــ
أمـي :- مش شايف ان شكلهآ وحـ .. ولسا امي هتكمـل
ـــــ
صاحب المحـل :- لا لا لا يا حجه دي قُويه جداً وموديل جـديد ورائـع .. دَه اصحابه هيتجننُوا عليها لما يشوفوه لابسها .. وبعدين دي سعرهآ رخيـص جداً ومعمول عليها خصم كمان ..

ــــ
طبعاً صنـف الستـات يحـب حاجه اسمها خصم حَتي لو كان نص جنيـه ..


أمي :- تمام هنشتـري الفآنلـه دي


انا :- عايز استعيـد كرامتي الرآجل ده غالبني في الغتاته 2-1 يا جدعآن .. المُهم

قلـت لأمي .. تعرفي يآ أمي ساعات النآس بتوع محلات الملابس دُول . مش لزام يفهمُوا في الزوق .. يعني مثلاً مُمكن شخص يكُون زوقه زباله بس اسمُه صاحب محل ملابس . وممكن يكُون البيـئه اللي هـُو جي منـها زي زُوقـه زباله . انا لُو من الحكومـه وشرفي لأقبض عليهم بتهمـه تشويه الزُوق العام



يتبـــع الجــُزء التــاني بعــد اما ألاقـي شُويـة ردُود